Komnar á suðurlandið og loksins búnar að finna sumarið, bara eins og að hafa stigið út úr flugvél í útlöndum þegar við stigum út úr bílnum á Selfossi. Búið að vera dásemdar veður og sólarvörnin alltaf í annarri og eitthvað svalandi í hinni.

Búnar að þræða sundlaugarnar, brokka Laugarveginn, fara í garðveislu á Austurvöll, kynna okkur kaffihúsin á Selfossi og aðstöðuna utan við þau ásamt ölinu, hitta fullt af frábærum vinum og vandamönnum, halda að við værum búnar að finna týndan kött, en það sem stendur upp úr og er alveg hreint dásamlegt er að vera búnar að finna sumarið.

Munum jafnvel flytja lögheimilið hingað um sinn ef veðurhorfur fara ekkert að batna fyrir heimahagana. Það er annað hvort það eða að tapa geðheilsunni.

Eigum líka ennþá eftir að heimsækja fjöldann allan af vinum og vandamönnum, skella okkur á eitt fótboltamót og í útilegu svo það er nóg að gera.

Ég fer í fríið - ég fer í fríið - ég fer í fríið

Komin í langþráð sumarfrí, leikjanámskeiði lokið og við tekur mánaðar frí jeij. Nokkuð stíf dagskrá framundan, á suðurleið á þriðjudag, 1 - 2 - Selfoss og Hveró að vitja vina og vandamanna, fótboltamót í borginni, Damien fyrir austan, Innipúkinn?, stórafmæli, Köben o.fl. o.fl.

Hef sigrast á hræðslu minni við börn, segi samt ekki að þetta hafi ekki tekið töluvert á og að ég hafi ekki verið komin undir sæng um kvöldmat í gær. En get amk horfst í augu við þau þegar ég mæti þeim úti á götu og jafnvel talað við þau.

Er reyndar ennþá á Ace Ventura vaktinni út vikuna en verð að fá einhvern til að hlaupa í skarðið, ekki allir sem geta sinnt svo mikilvægu hlutverki.

Sumarið ætlar ekkert að koma, maður hangir í lauginni í von um að ná einni eða kannski tveimur freknum enn það skilar engu, verður samt líklega þannig að okkur tekst að taka rigninguna með okkur á suðurlandið þegar við leggjum land undir fót, er samt að reyna að Secret - tækla þetta

Jújú er farin að fylgjast með Dynasty, eins gott að ég hef þetta leikjanámskeið til að halda mér frá öllum hinum sápuóperunum sem ég annars lægi yfir allan daginn, væri líklega farin að leita að Santa Barbara á netinu ef ég hefði nógan frítíma. Vakna við Dynasty á morgnana og sofna við það á kvöldin, Blake, Krystle, Alexis og hinum vinum mínum má ég ekki missa af.

Aðal skemmtiefnið þessa dagana eru samt hinir stórkostlegu og óborganlegu þættir Age of Love á Skjá 1. Þvílík skemmtun, almáttugur, ef menn eru ekki að fylgjast með því þá beint á netið og kynna sér málin. Nafnið á þættinum segir flest, 30 karlmaður og dömur á aldrinum 20 - 50 ára að berjast um áhuga hans hahahahaha og síðasti þáttur toppaði allt, útilega + fyllerí og svo videre.

Annars er ekki nema ein vika eftir af leikjanámskeiði og ég er enn á lífi. Held það hafi verið hárrétt ákvörðun að taka þetta að mér og sigrast á hræðslu minni við börn sem hefur vaxið á síðustu árum. Hef ekkert fundið fyrir hræðslu síðustu daga og sólin loksins farin að skína svo það er aldrei að vita nema maður græði nokkrar freknur á þessu.

Gamla settið á leið í sína aðra sameiginlegu utanlandsferð og við systur einar í kotinu með einn kött, tvo gullfiska, þrjá andarunga og haug af öndum að fæða í fjarveru settsins. Þetta er eins og að reka dýragarð. Sá gamli minnir helst á Ace Ventura þegar hann er úti að reyna að hafa stjórn á skepnunum sem berjast um brauðið. Það verður hreint ekkert grín að taka við hlutverki hans.

http://www.sigurros.com/dvd3.asp

Borgarferð um helgina, gat alls ekki látið náttúrutónleika með goðinu mínu framhjá mér fara og það var vel þess virði að skröltast suður á laugardegi og norður á sunnudegi með rútunni.

Eiginlega ekki til orð til að lýsa þessari frábæru samkomu bæði tónlistinni, tilgangnum og stemmingunni. Fékk gæsahúð og tár í augun svo oft að það segir eiginlega allt sem segja þarf. http://www.natturukort.is/nattura.info

Brá mér svo í bókabúðina með goðinu mínu daginn eftir, eða kannski ekki með goðinu mínu en það var á ferðinni að kaupa sér moggann, ágætis bónus það. Held að hún sé eini svona frægi einstaklingurinn sem ég verð kjánaleg nálægt og á svolítið erfitt með að hemja td aðdáunargláp (löngu komin yfir Helga hvað það varðar og kaffibolladæmi).  

Veðurblíðan í borginni fór hins vegar alveg framhjá mér og lopapeysan kom sér vel!

Jújú, er búin að fá greiningu á fjörfisknum ógurlega og er tjáð af sérfræðingi að hér sé líklegast um koffín/koffein/kaffín - kippi að ræða. Gæti sem sagt verið að ég sé að fá það all hressilega í augað að vera farin að þamba light í tíma og ótíma og að þykjast vera orðin fullorðin og þamba kaffi. Samkvæmt læknisráði er ég því með kvittun upp á það að forðast allt sem inniheldur koffín

Stefnir í þriðju Beðmálsferðina, erum óstöðvandi stöllurnar og með sýkina á háu stigi. Voru hjá Opruh í síðustu viku, dásamlegur þáttur, verst að ég náði ekki að taka hann upp. En Big sýndi á sér ótrúlega hlið og ég er ennþá skotnari í honum.

Er komin á fullt með leikjanámskeið fyrir kríli, ekki alveg minn tebolli en áskorun sem maður kemur vonandi reynslunni ríkari frá, ef maður lifir þetta af og krílin líka Að sjálfsögðu rignir alla daga svo maður nær sér ekki í svo mikið sem eina freknu í þessu en það verður þá að hafa það (er nefninlega loksins orðin svolítið hrædd við ljósabekkina og hef látið þá eiga sig undanfarið og treyst á þá gulu þarna uppi). En hún skín bara á morgnana og á kvöldin og á milli kl 1 og 4 rignir og rignir svo ég hef neyðst til að fjárfesta, það er nefninlega barasta fjárfesting að fá sér regnföt hér á landi og þurfti að taka lán fyrir þeim.

Erum víst útskrifaðar systurnar og ætlum þar af leiðandi að gera okkur glaðan dag um helgina með vinum og vandamönnum. Ekki eins og maður sé reglulega að útskrifast hahaha. Var ekki fyrr búin að ganga frá útskrift en ég fór að kynna mér áhugavert nám af ýmsu tagi, held ég sé með skólasýkina. Verð ein af þessum eílífðarstúdentum sem ég hef sjálf tekið þátt í að gera grín að.

Það sem helst heldur í mér lífinu og kætir mig og hressir og bætir eru þættirnir á RÚV á miðvikudagskvöldum um sögu rokksins, þvílíkir afburðar þættir, RÚV klikkar ekki frekar enn fyrri daginn. Þættir sem alls ekki má láta fram hjá sér fara. 

Hrædd um að sýkin sé ekki aðeins bundin við Beðmálin, er sjúk í myndir eins og sýndar eru á rúv á sunnudagskvöldum þessa dagana. Jane Eyre alveg að fara með mig, tek hana fyrst á rúv og svo á rúv+ í beinu framhaldi, hrædd um að það sé ekki alveg eðlilegt.

Hlýt að hafa átt fyrra líf á þeim tíma sem þessar ástarvellur gerast og í Bretlandi. Ekkert eðlilegt hvað ég lifi mig inn í þessar myndir og þessa Jane Austen sýki.

Einn þáttur eftir og dauðsé eftir að hafa ekki tekið þetta upp svo ég geti horft aftur og aftur á dásemdina hann Edward Rochester. 

Sé að fólk er enn að kíkja hér inn og verð þá að nota tækifærið og hætta við að hætta.
Hef t.d. haft mikla þörf fyrir að blogga um kvikmyndina Sex & the City.

Búin að fara í bíó tvisvar og langar aftur og aftur og aftur, fæ ekki nóg af Beðmálunum.

Myndin hefur verið að fá misjafna dóma en mér finnst hún fullkomin og eiginlega nákvæmlega eins og ég hefði viljað hafa hana. Grétum töluvert á frumsýningunni, héldumst í hendur og hljóðuðum og hlógum. Gerðum þetta að sjálfsögðu með stæl, kjólar og hælar á línuna og sumir í Cosmo og tilheyrandi á frumsýningu. Upplifunin var svo ótrúleg að ég hélt ekki í mér í lengur en tvo sólarhringa áður en ég var mætt aftur í bíó. Það var reyndar ekki alveg jafn mikill grátur en hláturinn var jafn mikill og tilfinningarnar svipaðar. Langaði að sitja áfram og sjá hana í þriðja skipti og fjórða skipti og fimmta skipti, get ekki beðið eftir að hún komi út á dvd, þá verður fjárfest.

Það er endalaust af flottum fötum í henni, væmni og átökum sem ég hreinlega elska, eins og nútíma útgáfa af uppáhaldinu mínu Jane Austen. Er að reyna að halda í við mig að panta ekki alls kyns varning af heimasíðunni en þar er margt skemmtilegt í gangi, t.d. hægt að taka prófið hvaða maður af Beðmálsmönnunum er þinn maður http://www.sexandthecitymovie.com/ o.fl. o.fl. skemmtilegt, alveg ekta fyrir þá sem eru með sýkina.

Væri gaman að heyra í þeim sem eru búnir að sjá hvað þeim finnst

Held svei mér þá að nú sé komið að leiðarlokum, nema Berglind hafi hugsað sér að halda þessari síðu gangandi. Það fer bara allt of mikill tími í Facebook og aðra hluti og hreinlega enginn tími til að blogga líka, enda svo sem lítið sem ekkert til að blogga um.

Súkkulaðigrísa leitað

Breskir vísindamenn leita nú 150 kvenna sem eru tilbúnar til að borða eina súkkulaðiplötu á dag í heilt ár í þágu vísindanna.

Markmiðið er að rannsaka hvort súkkulaði getur hjálpað konum með sykursýki 2 að draga úr líkum á hjartasjúkdómum eftir tíðahvörf. 

Vísindamennirnir hafa fengið belgískan súkkulaðimeistara til að útbúa sérstakt súkkulaði, ríkt af efnum sem finnast í kakó- og sojaplöntum og eru talin geta dregið úr hættu á hjartasjúkdómum.

Þá er okkar 4 ára fjarnámsskólagöngu loksins lokið

Sól í heiði skín.
Vetur burtu farinn.
Tilveran er fín.

Gleðilegt sumar.

Leit upp úr ritgerðarsmíði á laugardagskvöldið, Söngkeppni framhaldsskólanna á Akureyri og ekki hægt að láta það fram hjá sér fara. Miklu skemmtilegra að vera á staðnum en að horfa í sjónvarpi, krafturinn nær einhvern veginn ekki í gegnum sjónvarpið. Okkar keppandi, Elísabet Anna, stóð sig ótrúlega vel, syngur eins og engill.

Það var fullt af fínum atriðum í ár og aldrei þessu vant þurfti maður ekki að sitja undir gömlum Shadie Owens lögum og aldrei var minnst á að einhver arkaði niður að sjá eða dimmar rósir, guði sé lof, gjörsamlega búið að nauðga þeim lögum í þessari keppni. Í staðinn voru menn að syngja meistaraverk eftir Nick Cave, Damien Rice, Prince, Johnny Cash og fleiri góða. Menn fóru að sjálfsögðu misvel með slagarana og sumt stóð upp úr, verð að segja að uppáhalds atriðið mitt var flutt af Bændaskólanum, ekki bara frábær söngvari heldur flott atriði, eiginlega bara stórkostlegt hjá Magga bónda og félögum.

Þeir sem einhverra hluta vegna létu þennan magnaða viðburð fram hjá sér fara, og höfðu ekki orku í að rífa sig upp á sunnudagskvöld klukkan 9:50 til að horfa á endursýninguna, geta skellt sér á RÚV og horft á netinu

http://dagskra.ruv.is/streaming/sjonvarpid/?file=4407602 

Sean Penn og Robin Wright Penn hætt við að skilja og þar að auki heilsast Patrick Swayze vel

Var einmitt búin að vera að velta því fyrir mér að ég þyrfti að fara að komast yfir alla þættina og nú er hægt að nálgast þá alla á þessari síðu
http://www.southparkstudios.com/